Улуу Кыайыы 79 сылын көрсө улуус нэһилиэктэригэр үгүс элбэх тэрээһиннэр ыытылыннылар. Суордаах нэһилиэгин олохтоохторо тыыл бэтэрээннэригэр, сэрии сылларын оҕолоругар көмө оҥорор үгэскэ киирбит субуотунньукка көхтөөхтүк кытыннылар.
Тэрилтэлэр салайааччыларын быhаарыыларынан, ыам ыйынааҕы бырааһынньыктарынан, өрөбүллэринэн сибээстээн, нэһилиэк аҕам саастаахтарыгар, кырдьаҕастарга биирдии массыына оттор мас тиэйилиннэ.
Олохтоох дьаһалта баһылыга Владимир Стручков субуотунньук маһын тиэйиигэ күүстээхтик үлэлээбит Михаил Слепцов, Иван Хабитов урбаанньыттарга олохтоох дьаһалта уонна бэтэрээннэр-сэрии оҕолорун ааттарыттан махтанарын иһитиннэрдэ.
Урбаанньыттар бөhүөлэктэн 3-4 килэмиэтир тэйиччи «Эмээхсин сурда» диэн үрүйэттэн уопсайа 5 рейси оҥордулар.
Раиса Чирикова