Суһал субуокка көрдөрүүтүнэн, атырдьах ыйын 28 күнүнээҕи туругунан, оттооһун олус бэркэ ааһан эрэр. Уопсайа 351 киһи оттуу сылдьар, 5778 га от охсулунна. Сезон кыраапыгынан оту бэлэмнээһин сезоҥҥа былаана 7535 туонна эбит буоллаҕына, оройуон былааны таһынан толордо, ол эбэтэр 103 %. Онон, быйыл оттооһун үрдүк таһымнаахтык баран эрэр.
Холобур, былырыын баччаларга баара-суоҕа 2496 туонна оттоммута. Онно мотуохтар улахан хоромньуну оҥорбуттара биллэр. Быйыл окко улахан мэһэйдэри көрсүбэтибит, күн-дьыл туруга да туран биэрдэ уонна ыһыахтар эрдэ түмүктэнэннэр нэһилиэнньэ эрдэ от үлэтигэр тахсыбыта эмиэ улахан оруолу оонньоото. Сыллааҕы былааны ситиһиилээхтик үлэлээн эрэбит диэххэ сөп.
Сыллааҕы былаан – 9421 туонна, онтон 7835 туонна номнуо бэлэм, ол эбэтэр 83,2 % толорулунна.
Улуус нэһилиэктэрэ кыраапыктан хаалсыбакка сыллааҕы былааны толорууга күүскэ үлэлииллэр.
Тыа хаһаайыстыбатын салалтатын билгэлээһининэн, уопсайа 8192 туонна, ол эбэтэр 87% толоруллуоҕа.
Бэй. кэр.