Төрөппүттэр көҕүлээһиннэринэн Табалаах орто оскуолатыгар «Төрөппүт-оҕо-учуутал» күрэх олус тэрээһиннээхтик буолан ааста.
Хас биирдии кылаас кыһаллан, төрөппүттэр туора турбакка, учууталлар кыттыылаах бииртэн-биир ийэ күнүгэр эҕэрдэлэр иһилиннилэр.
Ырыа, үҥкүү, аҕа уһанар дьарыгын, ийэ ииһин көрдөрүү, хомуска оонньооһун толорулунна.
«Белые розы» ырыа саха оҕолоругар да эрчимнээхтик ылланара олус кэрэхсэбиллээх буолла.
Түмүккэ, 1 кылаас «Биир тэтим», 2 кылаас «Аптаах дорҕоон», 3 кылаас «Иэйиилээх ырыа», 4 кылаас «Дьикти дьарык умсулҕана», 5 кылаас «Кэрэ ырыа», 6 кылаас «Дьиэрэй ырыа», 7 кылаас «Уран тарбах угуйа», 8 кылаас «Ырыаҕа дьоллонон», 9 кылаас «Алыптаах ырыа», 10 кылаас «Дойдум кэрэтин хоһуйан», 11 кылаас «Саҥа сүүрээн» анал ааттары ыллылар, грамоталарынан наҕараадаланнылар. Оскуола аатыттан сэмэй бэлэхтэри тутан үөрдүлэр-көттүлэр.
Күрэҕи учуутал Анна Владимировна,төрөппүт Мария Владимировна уонна үөрэнээччи Арылхан Потапов тэрийэн ыыттылар.
«Оскуола уонна төрөппүт» бу хайысханан үлэбит чиҥиирин туһугар диэн баҕа санаанан бары кыттыбыттарга махталбын тиэрдэбин уонна инникигэ оскуола төрөппүттэрэ өйүөхтэрэ диэн эрэлбин биллэрэбин.
Елизавета Рожина, Табалаах