Муус устар 25 күнүгэр Боруулаах нэһилиэгин бибилэтиэкэтэ Дойдулар икки ардыларынааҕы историческай акция тэрээһинигэр кыттыста.
Дьыктааҥҥа олохтоох култуура, дьаһалта үлэһиттэрэ, биэнсийэлээхтэр кыттыыны ыллылар. Саамай аҕам саастаах кыттааччы — 72 саастаах. 25 сорудахтаах дьыктааҥҥа барыта 14 киһи бэйэтин холонно, билиитин тургутан көрдө.
Кыттааччыларга туоһу сурук туттарылынна. Бэлиэтээн эттэххэ, түмүгү хас биирдии киһи «Кыайыы дьыктаана» сайтка киирэн тус нүөмэринэн билэр. Бары кыттыбыттарга махтал буоллун!