Сергей Сивцев, «Аартыка суоллара» генеральнай дириэктэрин солбуйааччы, Ил Түмэн норуодунай дьокутаата:
— Ил Дархан Анал этиитигэр Аартыка туһунан элбэхтик этиллибитин Аартыкаҕа сыһыаннаах киһи буоларым быһыытынан үөрэ иһиттим.
Биир сүрүн улахан этии – Янскай группа оройуоннарыгар массыына суолун тутуута буолар. Халыма федеральнай суолуттан Найба суолугар диэри усталаах суол тутуллуутун улахан бырайыага саҕаланыа диэн буолла. Онон эһиилгиттэн үлэбит элбэх – Верхоянскайтан Прогноз учаастакка диэри тутуу саҕаланыахтаах. Суол кытыытыгар тутуулары (придорожный сервис) эмиэ тоһоҕолоон эттэ – хоту оройуоннарга маннык эбийиэктэр тутуллууларыгар эмиэ үлэ-хамнас барыахтаах. Бу олус үчүгэй.
Маны таһынан, Ил Дархан хоту оройуоннарга субсидированнай билиэттэр эһиил да баар буолуохтарын, медицинскэй мобильнай биригээдэлэр салгыы үлэлии туруохтарын эттэ.
Эһиилги 2024 сыл Оҕо сылынан биллэриллиннэ.Оҕо сайдыытыгар, иитиитигэр араас үлэ ыытыллыаҕа.Маннык үчүгэй, эрэллээх этиилэри эппититтэн хотулар үөрдүбүт. Кэлэн иһэр саргылаах Саҥа Дьылынан!