Хомус тыаһа киһини эмтиир.
Хомус тыаһа киһини уоскутар.
Хомус тыаһа киһини сааһылыыр.
Хомус тыаһа кэрэ-дьикти.
Ахсынньы 6 күнүгэр Дьааҥы куорат 2 №-дээх оҕо саадын ииитиллээчилэригэрэ умнуллубат түгэн буолан ааста.
Уһуйаан оҕолоро 1 №-дээх оҕо саадын иитиллээччилэрин кытта муусука оскуолатыгар баран, «Хомуспут алыптаах дорҕооно» тэрээһиҥҥэ кыттан, хомус үҥкүүтүн үҥкүүлээн, хомуска бастакы холонууларын дьүрүһүтэн кэллилэр.
Кырачаанннарбыт хомус тыаһын сэргээн-сэҥээрэн, олус түргэнник, бэриниилээхтик ылыннылар. Кырдьык да, саха оҕото сахалыы тыыннааҕа, итэҕэллээҕэ көһүннэ.
Муусука оскуолатын оҕолорун эҕэрдэ ырыаларын, үҥкүүлэрин, сахалыы инструменнарга уонна хомуска оонньуулларын олус сэҥээрэ көрдүлэр. Хомус тиэмэтигэр атын ыалдьыттары кытта олус сэргэхтик оонньотулар.
Түмүгэр бары кыттааччылар оһуохай матыыбыгар оонньоотулар.
Кырачааннарбыт кыттыыны ылбыттарын иһин туоһу суруктаах минньигэс бэлэхтээх үөрэн-көтөн тарҕастылар. Тэрээhини оҕо муусука оскуолатын фольклорга учуутала Валентина Валерьевна Рожина үрдүк таhымнаахтык ыытта. Үөрэхтээhин үс тэрилтэтин түмэн хомус кэрэ алыптаах дорҕоонугар угуйан, салгыы оҕолорбутун кыра саастарыттан хомуска дьарыктыахпыт.
Сахабыт хомуһа өссө да сайда, дьүрүскэн тыаһа ыраахха диэри дьүрүһүйэ туруохтун.
Мария Слепцова, Дьааҥы куоратын 2 №-дээх уһуйаанын иитээччитэ