Улуу Кыайыы 81 сылыгар анаммыт араас күрэхтэһиилэргэ Дьааҥыбыт бэргэн ытааччылара ситиһиилээхтик кытыннылар.
Буулдьа саанан уонна стендовай ытыыга Саха сирин Федерацията тэрийбит өрөспүүбүлүкэтээҕи күрэхтэһиигэ бистэлиэтинэн 40 м ытыыга спорт маастарыгар хандьыдаат, Суордаахтан төрүттээх Геннадий Капчук 400-тэн 377 очукуолаах эрэллээхтик бастаата.
Традиционнай оҕунан ытыыга Дьокуускай куорат спортка кэмитиэтин тэрийбит классификационнай күрэхтэһиитигэр биир дойдулаахпыт, спорт маастарыгар хандьыдаат Марианна Кусатова бастаата. Иккис кыттааччы Ирина Сыромятникова уопсай түмүккэ иккис көрдөрүүлэнэн баран спарриҥҥа арыый мөлтөөн биэрэн бириистээх миэстэҕэ кыайан киирбэтэ.
Марианна Кусатова спонсор көһүннэҕинэ Иркутскай куоракка буолуохтаах күрэхтэһиигэ барыахтаах.