Тохсунньу ый 19 күнүгэр 2023 сыл түмүгүнэн «Үлэ киһитин уруйдуубут!» диэн ааспыт сылга улуус сайдыытыгар тус кылааттарын киллэрсибит үлэ бастыҥнарын чиэстээһин дьоро күнэ киэҥ хабааннаах бырагырааманан ыытылынна.
СӨ «Дьааҥы оройуона» муниципальнай тэриллии баһылыга Владислав Иванов ааспыт Учуутал-уһуйааччы уонна Үлэ киһитин Сыллара үрдүк таһымнаахтык ааспыттарын бэлиэтээн туран бар дьонун – улуус бары нэһилиэктэриттэн мустубут ыалдьыттары, Баатаҕай олохтоохторун Дьиэ-кэргэн, Оҕо саас, История Сылларынан эҕэрдэлээтэ. Уонна, үөрэппит, бастакы учууталын Матрена Николаевна Неустроева дьиэ кэргэнин туһунан истиҥ тылларынан ахтан туран, махталын бэлиэтин, 50 тыһыынчалаах сертификаты туттарарын иһитиннэрдэ. Владислав Михайлович өр сылларга үөрэҕирии эйгэтигэр сүдү кылаатын киллэрбит, 5-11 кылаастарга ахсаан уруогун үөрэппит учууталын, Боруулаах орто окуолатын дириэктэрин Зинаида Николаевна Божедонованы үтүө тылларынан эҕэрдэлээн туран махтал суругун туттарда.
Улуус баһылыга бу үөрүүлээх түһүлгэ добун сыанатыттан үлэ араас эйгэтин бастыҥтан бастыҥнарыгар махтал тыллардаах кырааматаларын, бэлиэлэри туттарда.
Дьааҥы улууһун дьокутааттарын Сэбиэтин Бэрэссэдээтэлэ Екатерина Ноговицына улуус учууталларын, учуутал-уһуйааччылары эҕэрдэлээтэ уонна улуус талааннаах оҕолорунан киэн туттарын эттэ. Улууска ыытыллыбыт «Этно-мир» (викторина) күрэҕэр 93 баалы ылан кыайыыны ситиспит Боронук орто оскуолатын учууталын Ярослава Горохованы эҕэрдэлээтэ, олунньу ый 8-11 күннэригэр ыытыллыахтаах «Муус устар — 2024» бэстибээлгэ ситиһиилээхтик кыттарыгар баҕа санаатын иһитиннэрдэ. Бу бэстибээл онлайн этээбэ тохсунньу ый 25-28 күннэригэр икки аһаҕас форматынан ыытыллыахтааҕын эттэ. Екатерина Васильевна бу иһитиннэрии таһынан «Муус устар — 2024» бэстибээл сүнньүнэн ыытыллыбыт «СулуСтар» улуустааҕы ырыа күрэҕин финалыгар тахсыбыт Алан Гондолоевы эҕэрдэлээтэ. (Саха сирин 5 финалистарын ааттара олунньу ый 10 күнүгэр иһиллиэҕэ).
СӨ Ил Түмэн судаарыстыбаннай мунньаҕын дьокутаата, СӨ «Аартыка суоллара» (УТ) тэрилтэ Генеральнай дириэктэрин солбуйааччы Сергей Сивцев биир дойдулаахтарын үтүө түгэнинэн эҕэрдэлээн туран ааспыт быыбарга төрөөбүт улууһун дьоно-сэргэтэ кини туһугар элбэх куолаһы биэрбиттэригэр махталын иһитиннэрдэ. Үлэ сиэринэн ыаллыы сытар Аартыка оройуоннарын итиинэн уонна сырдыгынан хааччыйыы (топливно-энергетическэй ресурс) боппуруостарынан үлэлии сылдьарын сырдатта. ООО «ЯнаСервис», ИП Евгений Губерт тэрилтэлэрэ Дьааҥы улууһун таһынан ыаллыы сытар Эбээн-Бытантай улууһун оттугунан хааччыйалларын бэлиэтээн туран кинилэргэ махталын тириэртэ. СӨ Ил Түмэн судаарыстыбаннай мунньаҕын Бочуот кырааматаларын улуус сайдыытыгар кылааттарын киллэрбит тэрилтэ салайааччыларыгар, учууталларга туттарда.
Дьааҥы оройуонун Үөрэҕириитин салалтатын салайааччыта Иннокентий Юмшанов эҕэрдэтин киирии тылыгар, улуус үөрэҕириитин сайдыытыгар сүдү кылааттарын киллэрбит, 100 саастарын туолбут Дьааҥы улууһун чулуу дьонун Анна Дмитриевна Чирикова, Василий Павлович Ноговицын уонна Верхоянскай куорат орто оскуолатын аатын сүгэр, төрөөбүтэ 125 сылын туолбут Михаил Лаврентьевич Новгородов ааттарын тоһоҕолоон бэлиэтээтэ. Иннокентий Сергеевич Учуутал уонна уһуйааччы сылынан «Педагогическое наследие вчера, сегодня, завтра» кинигэ тахсыбытын иһитиннэрдэ. Үүммүт сылга биллэриллибит, о.э. Арассыыйаҕа – Дьиэ кэргэн, Саха сиригэр – Оҕо саас, Дьааҥы улууһугар – История сылларыгар бииргэ үлэлээһин улуус сайдыытын инникитигэр дьоһун хардыылары киллэриэхтээҕин эттэ: «Ытыктабыллаах Владислав Михайлович, Сергей Афанасьевич, ытыктабыллаах бэтэрээннэр, уһуйааччылар, ыалдьыттар, Эһиэхэ үөрэҕирии бары эйгэтин үлэһиттэрин аатыттан Улуус үөрэҕириитин сайдыытыгар өйөбүлгүт иһин махтана сүгүрүйэбит. Эһиги бэриниилээх үлэҕитинэн, үтүө көрүүлэргитинэн улууспут инникигэ эрэллээхтик хардыылыыр», – диэн махталын иһитиннэрдэ. Ол кэнниттэн Учуутал-уһуйааччы Сылын Символын, Арассыыйаҕа биллэриллибит Дьиэ-кэргэн сылынан, СӨ Судаарыстыбаннай Казеннай тэрилтэтин Дьааҥы улууһун нэһилиэнньэ үлэҕэ социальнай көмүскэллээх буолуутун салалтатын салайааччытын эбээһинэһин толорооччуга, учууталлар династияларын бэрэстэбиитэлигэр Варвара Альбертовна Контогороваҕа уонна Остуолба нэһилиэгин Степановтар дьиэ-кэргэннэригэр туттарда. Үс оҕолоох эдэр ыал ыллам ырыанан бар дьону эҕэрдэлээтэ, сырдык түгэн үөрүүлээх түһүлгэтин көрөөччүлэрэ дохсун ытыс тыаһынан арыаллаатылар.
СӨ Нэһилиэнньэ харысхаллаах буолуутун Дьааҥытааҕы салалтатын салайааччыта Любовь Слепцова «Уруй буоллун үлэ Киһитигэр!» тэрээһиҥҥэ мустубут бар дьону эҕэрдэлээтэ, 2024 cыл тохсунньу ый 1 күнүгэр күнүс 14.00 чааска Дьааҥы улууһугар Клара Ивановна, Петр Петрович Слепцовтар дьиэ кэргэннэригэр төрдүс оҕо күн сирин көрбүтүнэн 100 тыһыынча сууммалаах сэртэпикээти үөрүүлээх быһыыга туттарда.
СӨ ЗАГС салалтатын Дьааҥытааҕы Отделын салайааччыта Наталья Потапова Арассыыйаҕа Дьиэ-кэргэн сыла, Саха сиригэр Оҕо саас сыла биллэриллибиттэринэн эҕэрдэлээн туран, Саха сиригэр дьиэ кэргэн үнүстүүтүн уонна 25 саастарыгар диэри эдэр дьон ыал буолууларын өйүүргэ 50-нуу тыһыынча көмө оҥоһуллуута киирбитин иһитиннэрдэ. Наталья Егоровна Дьиэ кэргэн диэн улуус, өрөспүүбүлүкэ уонна Дойду олоҕун сүрүннүүр уопсастыба ячейката буоларын бэлиэтээн туран улахан дьиэ кэргэни — Олох-дьаһах хаһаайыстыбатын үлэһитин Петр Петровиһы уонна «Дьааҥы оройуона» муниципальнай тэриллии дьаһалтатын үп-харчы салалтатын экэнэмииһин Клара Ивановнаны истиҥник эҕэрдэлээтэ.
«Уруй буоллун үлэ Киһитигэр!»
Сылы түмүктүүр уонна саҥа сылы уруйдуур улахан тэрээһин биир ураты көстүүтүнэн – тустаах тэрилтэлэр салайааччылара, сыллааҕы үлэ түмүгүнэн, бастыҥтан бастыҥнарга СӨ «Дьааҥы оройуона» муниципальнай тэриллии дьаһалтатын аатыттан улуус баһылыга Владислав Иванов илии баттааһыннаах кыраамататын кытта «Человек труда Верхоянья – 2023» анал аат бэлиэтин туттулар:
Үөрэҕирии эйгэтэ
(Анал ааты, кырааматаны туттарда: Анастасия Неустроева — Бэтэрээн учуутал, Дьааҥы оройуонун Бочуоттаах олохтооҕо).
— Зинаида Николаевна Божедонова, Боруулаах орто оскуолатын дириэктэрэ;
— Мария Николаевна Артемьева, оройуоннааҕы оҕо Киинин сүрүн методиһа;
— Тапталлаана Васильевна Слепцова, Верхоянскай куорат 2 N-дээх оҕо саадын уһуйаанын иитээччитэ;
— Прасковья Васильевна Потапова, Баатаҕай орто оскуолатын муусукаҕа учуутала.
Доруобуйа харыстабыла
(Анал ааты, кырааматаны туттарда: Дабаан Котельников — СӨ «Дьааҥы оройуона» МТ Баһылыгын солбуйааччы).
— Наталья Михайловна Слепцова, терапевт-быраас, Табалаах нэһилиэгин врачебнай амбулаторията;
— Светлана Альбертовна Кириллина, педиатр-быраас, Верхоянскай куорат балыыһата;
— Любовь Гаврильевна Попова, фельдшер, Суордаахтааҕы фельдшерскэй-акушерскай пункт.
Култуура
(Анал ааты, кырааматаны туттарда: Евгения Васильевна Иванова — Дьааҥы улууһун култуураҕа салалтатын начальнигын эбээһинэнэһин толорооччу).
— Мария Афанасьевна Стручкова, Дьааҥы улууһун библиотечнай систиэмэтин Эҥэтээҕи нэһилиэгин бибилэтиэкэрэ;
— Маргарита Васильевна Тоскина, Адыаччытааҕы култуура уонна спорт киинин дириэктэрэ;
— Дария Петровна Васильева, Дьааҥы улууһун култуураҕа салалтатын методиһа.
Тыа хаһаайыстыбата
(Анал ааты, кырааматаны туттарда: Лена Елисеевна Потапова — Дьааҥы улууһун Дьокутааттарын Сэбиэтин дьокутаата, тыа хаһаайыстыбатын уонна аграрнай бэлиитикэтин Кэмитиэттэрин чилиэнэ, «Мээтис» бааһынай хаһаайыстыба салайааччыта).
— Евгения Иннокентьевна Гатилова, «Чөрүмчэ нэһилиэгэ» муниципальнай тэриллии тыатын хаһаайыстыбатын сүрүннүүр исписэлииһэ;
— Сергей Петрович Потапов, Адыаччы нэһилиэгин Мааҕылла учаастагын сылгы иитэр бааһынай хаһаайыстыба баһылыга);
— Христофор Николаевич Татаринов, Боруулаах орто оскуолатын сылгы тутар хаһаайыстыбатын сылгыһыта;
— Петр Петрович Потапов, Табалаах нэһилиэгин бэйэ бааһынай хаһаайыстыбатын баһылыга.
Олох-Дьаһах хаһаайыстыбата
(Анал ааты, кырааматаны туттарда: Сергей Владимиров — СӨ Олох-Дьаһах коммунальнай хаһаайыстыбатын ГУ тэрилтэтин Генеральнай дириэктэрин солбуйааччы).
— Прокопий Прокопьевич Другин, Дьааҥы улууһун ОДьКХ ГУ тэрилтэтин Боронуктааҕы филиалын производственнай учаастагын маастара;
— Иван Иванович Чириков, Дьааҥы улууһун ОДьКХ ГУ тэрилтэтин Адыаччытааҕы филиалын производственнай учаастагын маастара;
— Антон Петрович Слепцов, Дьааҥы улууһун ОДьКХ ГУ тэрилтэтин Верхоянскай куораттааҕы филиалын производственнай учаастагын машинист-хачыгаара.
СМИ уонна маассабай коммуникация
(Анал ааты, кырааматаны туттарда: Владислав Васильевич Кривошапкин — СӨ «Дьааҥы оройуона» МТ Дьаһалтатын пресс-сулууспатын сэкэрэтээрэ).
— Раиса Дмитриевна Чирикова, СӨ «Саха бэчээт» Судаарыстыбаннай автономнай тэрилтэ «Дьааҥы аартыга» (Вести Верхоянья) хаһыат кэрэспэдьиэнэ;
— Константин Николаевич Каженкин, «Адыаччы нэһилиэгэ» МТ «Кэскил» оҕо уһуйаанын сэбиэдиссэйэ.
Энергетика уонна оттук
(Анал ааты, кырааматаны туттарда: Михаил Стрижнов — «САХАСПЕЦТРАНС» уопсастыбатын эппиэтинэскэ хааччахтаах тэрилтэтин Генеральнай дириэктэрэ).
— Юрий Алексеевич Понарьин, «Саханефтегазсбыт» АО филиалын «Баатаҕайдааҕы нефтебаза» тэрилтэтин машиниһа;
— Валерий Тарасович Божедонов, «Сахаэнерго» АУо Дьааҥытааҕы электрическэй ситимин Алыһардаахтааҕы ДЭС маастара;
— Петр Петрович Слепцов, «Сахаэнерго» АУо Дьааҥытааҕы электрическэй ситимин Хайыһардаахтааҕы ДЭС маастара.
Суол уонна тырааныспар
(Анал ааты, кырааматаны туттарда: Сергей Сивцев — СӨ Ил Түмэн Судаарыстыбаннай мунньаҕын дьокутаата, СӨ «Аартыка суоллара» (УТ) тэрилтэ Генеральнай дириэктэрин солбуйааччы).
— Олег Васильевич Сауткин, СӨ «Аартыка суоллара» (УТ) оробуочайа;
— Иван Мюдович Заборовскай, СӨ «Полярные авиалинии» Авиахампаанньатын Баатаҕайдааҕы филиалын дириэктэрэ;
— Виктор Геннадиевич Першников, СӨ «Авиапорты Севера» КТ «Авиапорт Батагай» Филиалын дириэктэрэ.
Спорт уонна физическэй култуура
(Анал ааты, кырааматаны туттарда Дабаан Котельников — СӨ «Дьааҥы оройуона» МТ Баһылыгын солбуйааччы).
— Илья Николаевич Попов, Боруулаах орто оскуолатын физическэй култуураҕа учуутала;
— Олимпий Андреевич Потапов, М.Л.Новгородов аатынан Верхоянскай куорат орто оскуолатын физкультураҕа учуутала;
— Афанасий Александрович Слепцов, СӨ «Авиалесохрана» Дьааҥытааҕы Филиалын баһаарынай бөлөҕүн инструктора.
Нэһилиэнньэ социальнай көмүскэллээх буолуута
(Анал ааты, кырааматаны туттарда Варвара Контогорова — СӨ Судаарыстыбаннай Казеннай тэрилтэтин Дьааҥы улууһун нэһилиэнньэ үлэҕэ социальнай көмүскэллээх буолуутун салалтатын салайааччытын эбээһинэһин толорооччу).
— Николай Петрович Сотрудников, Арассыыйа СӨ Социальнай фондатын Отделениетын Дьааҥы улууһун клиентскэй сулууспатын сүрүн исписэлииһэ;
— Любовь Николаевна Пущева, СӨ Үлэҕэ уонна социальнай сайдыыга министиэристибэтин иһинэн нэһилиэнньэ харысхаллаах буолуутун тэрилтэтин социальнай үлэһитэ;
— Дария Ильинична Гатилова, СӨ Үлэҕэ уонна социальнай сайдыыга министиэристибэтин иһинэн нэһилиэнньэ харысхаллаах буолуутун тэрилтэтин оҕоҕо уонна дьиэ-кэргэҥҥэ социальнай көмөлтө отделениетын социальнай педагога.
Уопсастыбаннай хамсааһын
(Анал ааты, кырааматаны туттарда Мария Терешкова — СӨ муниципальнай сулууспатын туйгуна, СӨ Үлэҕэ бэтэрээнэ, «Дьааҥы оройуона» МТ социальнай бэлиитикэҕэ салалтатын начальнига.
— Слепцов Владимир Владимирович, «Боруулаах нэһилиэгэ» МТ «Эр сүбэтэ» Уопсастыбаннай сэбиэт салайааччыта;
— Бурцева Ольга Павловна, «Баатаҕай нэһилиэгэ» МТ «Добрые северяне» Уопсастыбаннай сэбиэт салайааччыта;
— Анна Николаевна Слепцова, «Остуолба нэһилиэгэ» МТ «Бэтэрээннэр сэбиэттэрэ» Уопсастыбаннай сэбиэт салайааччыта.
Экэниэмикэ
(Анал ааты, кырааматаны туттарда Алексей Харбин — СӨ «Дьааҥы оройуона» МТ үпкэ-харчыга салалтатын начальнига).
— Нина Васильевна Дульцева, СӨ «Дьааҥы оройуонун централизованнай бухгалтерията» муниципальнай бүддьүөт тэрилтэтин расчетнай булгаахтара;
— Александра Егоровна Иванова, СӨ «Дьааҥы оройуона» МТ үпкэ-харчыга салалтатын отчуоттуур уонна учуоттуур отделын начальнига;
— Инна Семеновна Данилова, СӨ Үлэҕэ уонна социальнай сайдыыга министиэристибэтин иһинэн Дьааҥы улууһун нэһилиэнньэ харысхаллаах буолуутун тэрилтэтин булгаахтара;
— Александра Дмитриевна Потапова, СӨ «Дьааҥы оройуона» МТ үпкэ-харчыга салалтатын бүддьүөт отделын салалтатын начальнига.
Сокуон уонна бэрээдэк
(Анал ааты, кырааматаны туттарда Зоя Ефимова — «Баатаҕай нэһилиэгэ» МТ дьаһалтатын исписэлииһэ).
— Иннокентий Денисович Кривошапкин, РФ Ис дьыалаҕа Министиэристибэтин «Верхоянскай» межмуниципальнай отделын саастарын ситэ илик оҕолор дьыалаларыгар уонна полиция учаастагын уполномоченнайдарын отделениетын начальнига;
— Солтан Расулович Надиров, РФ Ис дьыалаҕа Министиэристибэтин «Верхоянскай» межмуниципальнай отдел буруйданааччылары уонна сабаҕаланааччылары быстах кэмҥэ хаайыыга хомбуойдааһынын уонна харабыллааһынын бөлөҕүн сүрүн полицейскайа;
— Саргылана Михайловна Алексеева, РФ Ис дьыалаҕа Министиэристибэтин «Верхоянскай» межмуниципальнай отделын личнэй састаабын бөлөҕүн салайааччыта – начальник солбуйааччыта.
Нэһилиэнньэ олоххо-дьаһахха сэрэхтээх буолуутун хааччыйыыы
(Анал ааты, кырааматаны туттарда Никита Павлов — СӨ гражданскай оборонаҕа уонна нэһилиэнньэ ыксаллаах быһыыга-майгыга харысхаллаах буолуутун миниистирин солбуйааччы).
— Сергей Петрович Анисимов, СӨ «Служба спасения» судаарыстыбаннай бүддьүөтүнэй тэрилтэ Дьааҥытааҕы «Служба спасения» Филиалын этэрээтин байыаһа;
— Михаил Лаврентьевич Стручков, СӨ Баһаары утары судаарыстыбаннай сулууспатын Дьааҥытааҕы 14 N-дээх Баһаары утары сулууспатын начальнигын солбуйааччы;
— Светлана Юрьевна Яковлева, СӨ Баһаары утары судаарыстыбаннай сулууспатын Дьааҥытааҕы 14 N-дээх Баһаары утары сулууспатын инструктора.
Урбаанньыт
(Анал ааты, кырааматаны туттарда: Христина Анисимова – СӨ «Дьааҥы оройуона» МТ экономическэй сайдыыга салалтатын начальнигын эбээһинэһин толорооччу).
— Чукров Степан Степанович, урбаанньыт, «Дулҕалаах нэһилиэгэ» МТ;
— Семен Семенович Аммосов, урбаанньыт, «Бабушкинскай нэһилиэк» МТ;
— Анна Сергеевна Горохова, урбаанньыт, «Баатаҕай нэһилиэгэ» МТ.
Айылҕа харыстабыла уонна ойуур хаһаайыстыбата
(Анал ааты, кырааматаны туттарда: Николай Мандров – Спорт бэтэрээнэ)
— Гаврил Дмитриевич Томский, СӨ экологияҕа надзорун, Айылҕа харыстабылын уонна ойуур хаһаайыстыбатын Министиэристибэтин Дьааҥытааҕы судаарыстыбаннай экологияҕа надзорун Үрдүкү судаарыстыбаннай иниспиэктэрэ;
— Константин Егорович Шестаков, ойуур хаһаайыстыбатын участковайа, СӨ Дьааҥы улууһун «Верхоянское лесничество» судаарыстыбаннай казеннай тэрилтэ;
— Гаврил Вячеславович Другин, ойуур маастара, СӨ Дьааҥы улууһун «Верхоянское лесничество» судаарыстыбаннай казеннай тэрилтэтэ.
Тутуу
(Анал ааты, кырааматаны туттарда: Николай Мандров – СӨ «Дьааҥы оройуона» МТ Дьаһалтатын Олох-дьаһах хааччыллыытын, тутууга уонна архитектураҕа отделын начальнига).
— Карен Андрушович Мартиросян, Дьааҥы улууһун «Аартыка» ООО дириэктэрэ;
— Эдгар Дмитриевич Горохов, урбаанньыт, «Дьааҥы куората» МТ;
— Сергей Васильевич Аммосов, урбаанньыт, «Адыаччы нэһилиэгэ» МТ.
Олохтоох бэйэни дьаһаныы
(Анал ааты, кырааматаны туттарда: Сергей Софронович Слепцов — СӨ Үлэҕэ бэтэрээнэ, муниципальнай сулууспа туйгуна).
— Михаил Михайлович Садовников, «Дьааҥы куората» МТ Баһылыга;
— Анна Вениаминовна Рожина, «Табалаах нэһилиэгэ» МТ Баһылыга;
— Руслан Русланович Семенов, «Эҥэ нэһилиэгэ» МТ Баһылыга.
«Дьааҥы улууһун Үлэ киһитэ – 2023» наҕараадалааһын түһүмэҕин түмүктээһин сүрүн чааһыгар – Дьааҥы оройуонун муниципальнай тэриллиилэрин баһылыктара Саха Өрөспүүбүлүкэтигэр биллэриллибит Үлэ сылын Символын, Оҕо саас сылынан, СӨ «Дьааҥы оройуона» МТ олохтоох салалтатын «Бастакылар хамсааһыннара» Бүтүн Арассыыйатааҕы оҕо уонна ыччат уопсастыбаннай хамсааһынын салайааччытыгар Светлана Ноговицынаҕа туттардылар.
СӨ «Дьааҥы оройуона» МТ баһылыга Владислав Михайлович Иванов уонна муниципальнай тэриллиилэр баһылыктара Сомоҕолоһуу (Консолидация) сылын Символын, Дьааҥыга биллэриллибит История сылынан, Оҕо туризмын уонна экскурсиятын Киинин дириэктэригэр Эрэл Стручковка, В.З. Кириллина аатын сүгэр «Тымныы чыпчаала» кыраайы үөрэтэр мусуой дириэктэригэр Наталья Габышеваҕа уонна Дьааҥы улууһун Култуураҕа салалтатын салайааччытын эбээһинэһин толорооччу Евгения Ивановаҕа туттардылар.
Сыл араас эйгэҕэ бастыҥнарыгар СӨ Бырабыыталыстыбатын наҕараадаларын туттардылар:
Верхоянскай куорат бибилэтиэкэтигэр өр сылларга таһаарыылаах үлэтин иhин Анна Васильевна Слепцова СӨ Культуратын Үтүөлээх үлэhитэ бэлиэнэн наҕараадаланна;
Физкультураҕа уонна спортка ыччаты көҕүлээhиҥҥэ үрдүк көрдөрүүлэрин иhин спорт бэтэрээннэрин СӨ бэлиэтэммит физкультура уонна спорт хамсааhына 100 сыллаахха бэлиэтинэн наҕараадалаатылар;
Үөрэҕирии эйгэтин бастыҥ учууталларын улуус дьаhалтатын кырааматаларынан бэлиэтээтилэр.
Дьааҥы улууһун ааспыт үйэлэртэн биллэр дириҥ историятын салгыы чинчийэн үөрэтэн киэҥ араҥаҕа таһаарарга туһуламмыт История Сыла саҥа арыйыылары таһаарарыгар кэскиллээх суол арылынна. Дьааҥы улууһуттан тардыылаах уонна олохтоох кыраайы үөрэтээччилэр, эдэр чинчийээччилэр, үүнэн эрэр саҥа көлүөнэ улуус былыргы историятын сурукка-бичиккэ тиһэн Аан Дойду арҕаһын үрдүнэн биллэриэхтэрэ диэн эрэл кыыма саҕыллар.
Сыл түмүгүнэн үлэ бастыҥнарын бэлиэтээбит сүҥкэн суолталаах тэрээһини СӨ Култууратын туйгуна Василий Колесов ырыата, «Күндүл» Боронук оскуолатын үҥкүүһүттэрин бөлөҕө, Боруулаах нэһилиэгин оҕо саадын кэллэктиибин үҥкүүлэрэ бэлиэ күн кутун-сүрүн үрдэттилэр. Өйгө-сүрэххэ өргө диэри умнуллубаттык киирбит үтүө тэрээһини силистиир-мутуктуур. Сомоҕолуур, норуот гимнэ буолбут «Сир баайдаах Дьааҥыбыт» ырыанан История сыла аанын аста!
Раиса Чирикова