Баатаҕай бөhүөлэгин Аммосов уулуссатын суолун тупсарыы үлэтэ ыытыллар. Уонча хонук иhигэр кумах кэнниттэн үлтүрүтүллүбүт таас кутуллан суол биллэ үрдээбитэ харахха тута быраҕыллар. Ардах кыратык таммалаан, суол дьиппинийэ быhыытыйдаҕына, массыыналаах, матассыыкыллаах, билисипиэттээх дьон көнө суолунан сыыйыллыахтара. Бу кэми кэтэспит элбэх – уулусса арҕаа уhугар оройуон киин балыыhатыгар тиэстии, ону таhынан, арҕаа нэhилиэктэргэ айан-сырыы бу уулуссатынан барар.
Суол оноhуллуута – нэhилиэнньэ олоҕун-дьаhаҕын тупсуута. Суол хайдаҕын аан бастаан быhаарар такси өҥөтүн толорооччулар «Колея, оҥхой массыынаҕа куhаҕан», – диэн этэллэрэ олохтоох. Онон, Аммосов уулуссатын суола тупсарыллыбытыттан дьон-киhи барыта бэлиэтии көрөн үөрэр.
Раиса ЧИРИКОВА