Тымныы уу ситимин тардыы бу сайыҥҥыттан саҕаламмыта, алтынньы ыйга үлэни бүтэрэргэ былаанныыллар.
Турбалары дьиэлэргэ диэри киллэриини урбаанньыт Екатерина Докторова, Дьааҥы өрүһүттэн хочуолунайга диэри тардыытын урбаанньыт Христофор Слепцов биригээдэлэрэ оҥоро сылдьаллар.
Сүрүн улахан үлэтэ — турбалары хочуолунайдарга диэри тардыы СӨ Олох-дьаһах хаһаайыстыбатын инвестпрограмматынан ыытылла турар. Дьиэлэргэ киллэрии — улууспут дьаһалтатын уонна куорат дьаһалтата нэһилиэнньэни кытары ППМИ бырагыраамматыгар киирсэн, туруорсубут түмүктэрэ.
«Турбалары, носуостары кыһыҥҥы суолунан аҕалтарбыппыт. Быйыл куорат хоту өттүгэр баар оройуон уулуссалара эрэ холбоммот, табылыннаҕына кэлэр сылга былаанныыбыт», — диэн иһитиннэрэр Верхоянскай куорат баһылыгын солбуйааччы Сергей Окоёмов.