«Алгыс» бэтэрээн түмсүүтэ нэhилиэк уопсастыбаннай олоҕор көхтөөхтүк кыттар.
Маны таhынан Адыаччы нэһилиэгин «Алгыс» түмсүү чилиэннэрэ бэйэ-бэйэлэригэр куруук күүс-көмө буолаллар. Бу күннэргэ түмсүү Дария Дмитриевна Потапова дьиэтин ис-тас өттүн кырааскалаата. «Үтүө санаа, сомоҕолоһуу баар буолан, түмсүү дьүөгэлэрэ, доҕотторо ыра гынан илдьэ сылдьыбыт санаабын олоххо киллэрэн, дьиэбин тупсаҕай өҥүнэн сотон биэрбиттэригэр долгуйа үөрдүм. Валентина Николаевна Слепцоваҕа, Валентина Дмитриевна Петроваҕа, Елена Петровна, Илья Петрович Потаповтарга, Екатерина Дмитриевна Юмшановаҕа, Галина Николаевна Егороваҕа, Яков Николаевич Хабитовка, Надежда Петровна Гороховаҕа, Тамара Ильинична Чириковаҕа муҥура суох махталбын тиэрдэбин. Дьиэм өрөмүөнэ бэйэм күүспүнэн кыаттарыа суоҕуттан саллан, саҕалаабакка олордохпуна, дьонум барахсаттар кэлэн түргэн үлүгэрдик сып-сап туттан кырааскалаан дьэргэттилэр. Онон түмсүүм дьонугар куруук маннык өйөнсөн, бэйэ-бэйэбитигэр кыахпытынан көмөлөһөн, биир түмсүүлээх буолуоххайыҥ диэн ис сүрэхтэн этиллэр тыллары аныыбын», — диэн Дария Дмитриевна махтанар.
Оскуола уулуссатыгар турар саҥалыы көрүҥнэммит, от күөх өҥнөммүт дьиэ хаhаайката Дария нэhилиэккэ, улууска биллэр кэллэксийэньиэр. Ыраахтан-чугастан кэлбит ыалдьыт кини сылаас уораҕайыгар ыалдьыттаан, былыргы экспонаттары, кэллиэксийэтин, өрдөөҕүттэн муспут көрүөхтэн үчүгэй мунньууларын көрөн ааhар.
Маныаха Дария Дмитриевна дьиэтэ кырааскалаан, иккис тыынын ылбытыттан, сырдаан киэркэйбититтэн «Алгыс» түмсүү хотуттара бэйэлэрэ да тэҥҥэ үөрдүлэр.
Раиса Чирикова