Мин эһэм Андрей Семёнович Потапов 1947 сыл олунньу 10 кунугэр Табалаах нэһилиэгэр төрөөбүт. Кини РСФСР спордун Ветерана (1986с), Үлэ Ветерана (2003с). Көҥүл тустууга (1972 с) уонна экстремальнай туризмҥа спорт Маастарыгар кандидат.
Эһэм 1985 сыллаахха «Аҕа көлүөнэ хорсун суолларынан» Дьокуускай-Верхоянскай айан кыттыылааҕа. 2018 сыл Арассыыйа суруналыыстарын Сойууһун чилиэнэ. Оройуоҥҥа «Сыл дьоно» фестивальга «Улуу Кыайыыны сырдатыы» номинация хаһаайына. Кыайыы 70 сылыгар Г.А.Зюганов мэтээлинэн наҕараадаламмыта. Үлэҕэ уонна спортка ситиһиилэрин иһин, ахсаана биллибэт элбэх грамота, диплом, Махтал сурук, сертификат туоһулуур. «Тустуу — олоҕум аргыьа» (2009с), «Алгыстаах аартык» (2019с), «Дьааҥы хоьуун хайыһардьыттара» кинигэлэр ааптардара буолар. Арыылаах, Табалаах оскуолаларыгар ситиһиилээхтик үлэлээбит, ону таьынан, 10 сыл устата сайын «Кэскил» диэн Оҕолорго от лааҕырыгар начальнигынан үлэлээбитэ. Үөрэппит Оҕолоро үтүө үлэһит, спорт Маастардара эбит.
Теье да 70-нун лапа аастар, бүгүҥҥү күҥҥэ диэри Кэтэх хаһаайыстыбатын көрөн олорор: ынах, сылгы иитэр. Эһэм: «Үлэни таптаан, үлэлээх киһи сыаллаах-соруктаах буолар» — диэн куруук этэр. Сайынын аайы эһэбитин кытта оттуубут, күһүн оҕуһунан муус тиэйэригэр мин оҕуһу сиэтээччинэн барабын.
Эһэбитин утумнаан, уола Олимпий Андреевич физкультура учуутала, хайыһарынан экстремальнай айан «Аҕа көлүөнэ суолунан» үһүс көлүөнэ кыттыылааҕа. Эһэбит курдук хайыһардыырбын сөбүлүүбүн, сиэнэ Рома (Олимпий Андреевич уола) хайыһарга Оҕолорго улуус Хас да төгүллээх Чемпиона.
Эбэм нэһилиэгэр убаастанар чулуу үлэһит, спортсмен, олоҥхоьут. Эһэбинэн киэн туттабын, доруобай эрэ буолуон баҕарабын!
Сиэнэ Алгыстана Слепцова, Табалаах Орто оскуолатын 7 кылааһын үөрэнээччитэ