Быйылгы дьыл тыа хаһаайыстыбатын салаатыгар биир быһаарыылаах үлэбит саҕаланна. Нэһилиэктэртэн кэлэр иһитиннэриинэн көрдөххө улуус бары нэһилиэктэригэр от үүнүүтэ былырыыҥҥыттан лаппа ордук, эрдэлээн үүнэн эрэр. Ааспыт сылларга, былырыын уулаах дьыллар буоланнар сирбит дойдубут, ходуһаларбыт угуттаан тураллар. Онон быйыл от үүнүүтэ ханан да куһаҕана суох буолара күүтүллэр.
Бу сыллааҕы былааммыт 8213 туонна от.
Сүрүн сорукпут – күнү-дьылы сүтэрбэккэ от үлэтин күргүөмнээхтик саҕалааһын, дьон-киһи от үлэтигэр түмсүүтүн хааччыйыы буолар.
Миэстэтигэр нэһилиэк Баһылыктара от үлэтин тэрийиитин, от оттооһун хаамыытын күннээҕи хонтуруолга ылыахтарын наада.
Улуус тыатын хаһаайыстыбатын салалтата, миэстэтигэр тыа хаһаайыстыбатын исписэлиистэрэ от үлэтин хаамыытын күннээҕи хонтуруолга ылан, сүөһүлээх сылгылаах дьон оттуур ходуһаларын кэрийэн былааннаах отторун оттоноллорун ситиһэргэ.
Нэһилиэк таһымыгар биирдиилээн сүөһүлээх нэһилиэнньэ кыаммат араҥата кырдьаҕастар, ыарыһах дьон оту оттоноллорун ситиһэр инниттэн анал көмөлөһөр дьаһаллары ылынарга. От оттуур кыахтаах дьону булан, аттаран маннык кырдьаҕастарга сыһыаран оттоторго, отторун анал хамыыһыйанан тутан төлөбүрүн быһаарсарга.
Маны таһынан от оттоон нэһилиэнньэҕэ атыыга таһаарар баҕалаах бары отчут дьоҥҥо ходуһа сирдэри булан биэрэн, оттуур услуобуйаларын хааччыйыахха.
Бары нэһилиэктэр салалталара, дьокутааттар, общественнай түмсүүлэр салайааччылара дьылы туоруур биир быһаарыылаах үлэбитин бары ылсан тэрийиэххэйиҥ диэн ыҥырабыт!
Дьааҥы улууһун бары олохтоохторо, тыа сирин бары үлэһит дьоно от оттооһун быһаарыылаах күннэрэ үүммүттэринэн барыгытын тэрээһиннээх, түмсүүлээх буоларга ыҥырабыт!
Дьааҥы улууһун тыа хаһаайыстыбатын салалтата
Читайте также…
Идэ ылыы – инники кэскил
Бэс ыйын 30 күнүгэр Дьааҥы оройуонун Баатаҕай бөһүөлэгэр оробуочай хаадырдары бэлэмниир «Аартыка» Киинигэр умнуллубат үөрүүлээх түгэн тэриллэн ааста.