2024 сыл тохсунньу ый 9-11 күннэригэр Дьокуускай куоракка ыытыллыбыт В.П. Ларионов аатынан эдэр чинчийээччилэр Өрөспүүбүлүкэтээҕи XXVIII – с «Инникигэ хардыы» — Professor V.P. Larionov «A Ster info the Future» Science Fair» научнай-чинчийэр кэмпириэнсийэлэригэр Дьааҥы улууһун үөрэнээччилэрэ ситиһиилээхтик кыттан кэллилэр.
«Инникигэ хардыы» научнай-чинчийэр кэмпириэнсийэ-күрэххэ уопсайа 1500 үөрэнээччи Саха сирин араас оскуолаларыттан, үөрэх тэрилтэлэриттэн кытыннылар. Дьааҥы улууһуттан 34 үөрэнээччи кыттыбытыттан 18 оҕо миэстэлэстэ, 12 үлэ салгыы Бүтүн Арассыыйатааҕы эдэр чинчийээччилэр кэмпириэнсийэлэригэр кыттыыны ылар чиэскэ тигистэ. Орто дэлэгээссийэлэринэн муниципальнай хамаанданан зачетка биһиги улууспут Дьааҥы II-с Бочуоттаах миэстэҕэ таҕыста. I-кы миэстэни Мирнэй оройуона ылла, III-с миэстэҕэ Эдьигээн эбэҥки национальнай улууһа тигистэ. М.Л.Новгородов аатынан Верхоянскай куорат орто оскуолатын 7-с кылааһын үөрэнээччитэ Алексей Федоров «Создание 3Д модели бизона как основы для учебного пособия по изучению пале эко системы Верхоянья» (мета объект-мета, вселенная)» диэн научнай-чинчийэр үлэтинэн «Информационные технологии в сфере креативных индустрий» диэн секцияҕа кыттан Лауреат үрдүк аатын ылла (научнай салайааччылара – Ньургустаана Васильева Слепцова, Наталья Михайловна Федорова). Маны таһынан оҕолор анал бириистэринэн, анал стипендияларынан наҕараадаланнылар. Эдэр чинчийээччилэрбит үлэлэрэ үчүгэй түмүктээҕинэн, ситиһиилэринэн, кинилэри бэлэмнээбит салайааччыларын, үөрэнэр оскуолаларын кэлэктиибин истиҥник эҕэрдэлиибин!
Саха Өрөспүүбүлүкэтин Өрөгүйүөннээҕи Киинэ талааннаах оҕолор инники хардыыларыгар, салгыы сайдалларыгар өйүүр тускулаах «Инникигэ хардыы» кэмпириэнсийэ быйыл 13 cекциянан үлэлээтэ. Эдэр чинчийээччилэргэ суол аһар уонна Саха сирин научнай уопсастыбатын кэскиллиир тускуллаах тэрээһини Саха өрөспүүбүлүкэтин наукаҕа Алын академията тэрийэн ыытар. Оҕолорбут наукаҕа ситиһиилэрэ сыл ахсын эбиллэн, тупсан иһэриттэн, билиигэ дьулуһуулаахтарыттан үөрэбит!», – диэн иһитиннэрдэ Оҕо туризмҥа уонна экскурсияҕа Киинин педагог-методиһа, бөлөх салайааччыта Лилия Владимировна Чирикова.
Раиса Чирикова