Муус устар 20 күнүгэр «Мастаах Айаан» күөлүгэр аан маҥнайгытын оройуоннааҕы «Булчут кутаата» диэн балыксыт бэстибээлэ үрдүк таһымнаахтык ааста.
Халлааммыт анаабыт курдук күннээх, сылаас туран биэрдэ. Бэстибээл аал уоту аһатар үҥкүүнэн арылынна. Мачах кэрэ аҥардара музыкальнай нүөмэрдэрин бэлэх ууннулар. Кыттааччы төһө да аҕыйах буоллар, күрэхтэр утуу-субуу бары ыытылыннылар.
Бастакынан кэрэ аҥардар буурунан ойбон тэһиитигэр күрэхтэһиилэриттэн саҕаланна. 5 кыыс илин-кэлин түсүһэн, балыксыт бэртэрин көрдөрдүлэр.
Ол курдук, 1 миэстэ – Сардана Аммосова (Боронук-Мачах), 5 тыһыынча сууммалаах сэртипикээтинэн наҕараадаланна;
2 миэстэ –Дария Слепцова, (Боронук) 3 тыһ. сэртипикээт;
3 миэстэ – Юлия Слепцова, 3 тыһ. сэртипикээт;
4 миэстэ – Зарияна Аммосова, Верхоянскай к., анал бириис;
5 миэстэ – Валерия Винокурова, анал бириис.
Онтон дьэ, «Эр хоһуун» күрэхпитин саҕалаатыбыт. 4 эр бэртэрэ күүстэрин холоннулар. Остуолбаттан Владимир Горохов, Мачахтан Петр Стручков, Святослав Божедонов, Леонид Васильев кытыннылар.
1 миэстэ – Леонид Васильев, 20 тыһ. сэртипикээт;
2 миэстэ – Святослав Божедонов, 10 тыһ. сэртипикээт;
3 миэстэ – Владимир Горохов, анал бириис;
4 миэстэ – Пётр Стручков, анал бириис;
Кыайыылаахтар кубоктарынан , мэтээллэринэн наҕараадаланнылар. Ону таһынан, Аммосов Егор Егорович оҕолоро, сиэннэрэ анал бириистэри туттардылар.
Бэргэн ытааччы күрэҕэр 3 тыһ. сэртипикээти Леонидка, кыайыыга дьулуурун иһин Петрга 10 тыһ. сэртипикээти туттардылар. Сыл аайы булчут дьоннорун ааттарын ааттата спонсордыыллар.
Ол кэннэ кыргыттар сыал ытан холоннулар:
1 миэстэ – Зоя Васильева, Мачах;
2 миэстэ – Анна Потапова, Верхоянскай к.;
3 миэстэ – Валентина Стручкова, Верхоянскай к.;
Ону таһынан биирдиилээн күрэхтэр:
Саамай Балыксыт дьиэ кэргэн – 11 балыгы хаптарбыт Ньургун уонна Зарияна Аммосовтар дьиэ кэргэттэрэ;
Саамай кыра балык – Рая Аммосова, 2 кылаас үөрэнээччитэ;
Саамай улахан балык – Зарияна Аммосова;
Саамай элбэх балык – Ньургун Аммосов;
Саамай кыра балыксыт – Санаайа Слепцова, 4 ыйдаах;
Саамай саастаах балыксыт – Николай Серафимович.
Номинацияларга анал бириистэри туттулар.
Ону таһынан, Мачахтааҕы Оскуола-саад кэллэктиибэ шашлык, ас арааһын буһаран атыылаатылар, сылаас чэйинэн күндүлээтилэр.
Бу тэрээһин ыытылларыгар бириистэри туруорбут оройуоннааҕы спорткомитет салалтатыгар, олохтоох дьаһалтаҕа, Боронук, Мачах ааттаах-суоллаах булчуттарын аатын үйэтитэн, өрүүтүн спонсордыыр дьоммутугар, бука бары кыттааччыларбытыгар, ыалдьыттарбытыгар, кэлэн бырааһынньыкпытын киэргэппиккитигэр барҕа махталбын тиэрдэбин. Бука бары дьоллоох, доруобай буолуҥ.
Лидия Аммосова, Мачах