Олунньу ый 20 күнүгэр сарсыарда 10 чаастан Баатаҕайдааҕы култуура уонна спорт Киинигэр Өрөспүүбүлүкэтээҕи хотугу норуоттар үөрэҕириилэрин сайдыытыгар туhуламмыт Форум чэрчитинэн «Аартыка үөрэҕириитин инникитэ: саҥа кэм көрүүтэ» научнай-практическай кэмпириэнсийэ пленарнай мунньаҕа ыытылынна. Тэрээһин үөрүүлээх түһүлгэтин сыанатыгар Аартыка улуустарын үөрэҕириилэрин үлэһиттэрэ параадтаан киирдилэр, улуустарын аатыттан Форум кыттыылаахтарын эҕэрдэлээтилэр.
Ол кэнниттэн Арассыыйа, Саха Өрөспүүбүлүкэтин уонна Дьааҥы улууһун Гимнэрэ иһилиннэ. Өрөспүүбүлүкэтээҕи хотугу норуоттар үөрэҕириилэрин сайдыытыгар туһуламмыт Форум кыттыылаахтарын СӨ «Дьааҥы оройуона» муниципальнай тэриллии баһылыга Владислав Иванов эҕэрдэлээн туран «Дьааҥы оройуона» муниципальнай тэриллии аатыттан махтал суруктардаах саха чорооннорун ыраахтан кэлбит ытык ыалдьыттарга туттарда.
Дьааҥыга ыытылла турар киэҥ соруктардаах, кэскиллээх Форум тэрээhинин өйдөбүнньүк бэлиэтин – чорооннору уонна улуус баhылыгын махталын туттулар:
Феодосия Васильевна Габышева, СӨ Наукаларын Академиятын «Төрөөбүт төрүт тылы харыстааһын, сайыннарыы уонна үөрэтии Киинэ» салайааччыта, педагогическай наука доктора, профессор;
Ньургун Михайлович Павлов, СӨ квалификацияны үрдэтии үнүстүтүүтүн дириэктэрэ;
Олег Михайлович Соловьев, Саҥа технология үнүстүүтүн дириэктэрэ;
Лилия Михайловна Иванова, СӨ Профессиональнай үөрэхтээһин сайдыытын үнүстүүтүн дириэктэрэ;
Антонина Васильевна Яковлева, СӨ Оҕо Сылын дириэксийэтин салайааччыта;
Саргылана Иевна Баишева, СӨ Аартыка оскуолата иитиигэ куратора;
Михаил Прокопьевич Федоров, М. К. Аммосов аатынан ХИФУ Педагогическай үнүстүүтүн дириэктэрэ;
Кэскиллээнэ Вячеславовна Лукина, Төрөөбүт тыл уонна сурук-бичик Бүтүн Арассыыйатааҕы күрэҕин лауреата;
Мирияна Кононовна Сивцева, Найахы орто оскуолатын дириэктэрэ;
Мария Христофоровна Иванова, Өлөөн улууhун Үөрэҕириигэ салалтатын начальнига;
Надежда Николаевна Васильева, СӨ Наукаларын Академиятын төрөөбүт төрүт тылы харыстааһын, сайыннарыы уонна үөрэтии Киинин сүрүн научнай үлэһитэ, педагогическай наука хандьыдаата;
Иннокентий Тимофеевич Готовцев, Чурапчытааҕы физическай култуура уонна спорт үнүстүүтүн ректора;
Акулина Романовна Дьячковская, Усуйаана улууhун Үөрэҕириигэ салалтатын начальнига;
Григорий Петрович Потапов, Эбээн-Бытантай национальнай улуус Үөрэҕириигэ салалтатын начальнига;
Олег Олегович Марков, СӨ Судаарыстыбаннай Саха Национальнай иhитиннэрэр хампаанньатын Генеральнай дириэктэрэ;
Светлана Сергеевна Кириллина, СӨ Судаарыстыбаннай, оробуочай хаадырдары бэлэмниир «Аартыка» Киин дириэктэрин солбуйааччы эбээһинэһин толорооччу;
Андрей Васильевич Ноговицын, СӨ эбии профессиональнай үөрэхтээһин Киинин дириэктэрин солбуйааччы.
Бу бэлиэ күҥҥэ СӨ Баһылыгын Аартыкаҕа бэрэстэбиитэлэ Александр Константинович Акимов уонна СӨ Аартыка сайдыытыгар уонна хотугу норуоттар дьыалаларыгар миниистирэ Владимир Николаевич Черноградскай күөх экран нөҥүө эҕэрдэлэрин эттилэр. СӨ Наукаларын Академиятын төрөөбүт төрүт тылы харыстааһын, сайыннарыы уонна үөрэтии Киинин салайааччыта, педагогическай наука доктора, профессор Феодосия Васильевна Габышева үөрэхтээhиҥҥэ өр сыллаах, үтүө көрдөрүүлээх үлэһиттэргэ биэдэмэстибэннэй наҕараадалары туттарда. СӨ Оҕо сылын Дириэксийэтин салайааччыта Антонина Васильевна Яковлева бар дьону эҕэрдэлээтэ.
«Музыка для всех» бырайыак кластерын Дьааҥыга үөрүүлээхтик аһыы лиэнтэтин быстылар. Лиэнтэни быһыы миссиятын Дьааҥытааҕы кластер куратора Елизавета Петровна Дуткина, «Дьааҥы оройуона» МТ Үөрэҕириигэ салалтатын начальнига Иннокентий Сергеевич Юмшанов, Усуйаана улууһун Үөрэҕириигэ салалтатын начальнига Акулина Романовна Дьячковская, Эбээн-Бытантай улууһун Үөрэҕириигэ салалтатын начальнига Петр Григорьевич Потапов, «Дьааҥы оройуона» МТ социальнай боппуруостарга Баһылыгы солбуйааччыта Дабаан Котельников уонна Дьааҥы улууһун култуураҕа салалтатын начальнигын эбээһинэһин толорооччу Евгения Васильевна Иванова толордулар.
Ол кэнниттэн, СӨ «Дьааҥы оройуона» муниципальнай тэриллии дьаһалтатын социальнай боппуруостарга баһылык солбуйааччыта Дабаан Котельников, Улуус Үөрэҕириитин салалтатын начальнига Иннокентий Сергеевич Юмшанов уонна култуура салалтатыттан Евгения Васильевна Иванова бииргэ үлэлээһиҥҥэ сөбүлэҥ түhэрсиигэ үс өттүттэн илии баттаатылар.
Раиса Чирикова