Арыылаах нэһилиэгэр сайдыы тэтимнээхтик баран иһэр

Дьааҥы улууһа олохтоох көҕүлээһини өйүүр бырагырааманан үлэлиир биир бастыҥ, көхтөөх улуус быһыытынан биллэр.

Арыылаах нэһилиэгин арҕаа түөлбэтигэр, ааспыт сылтан саҕалаан, Лесная, Подгорная уонна Парковая уулуссаларга тымныы уу ситимэ тардыллан, нэһилиэнньэ сайынын тымныы уунан хааччылынна. Бу үлэ этээбэ эһиил салҕаныаҕа диэн «Арыылаах нэһилиэгэ» муниципальнай тэриллии баһылыгын солбуйааччы Руслан Слепцов иһитиннэрэр.

Маны таһынан нэһилиэккэ быйыл «Тыа сирин сайыннарыы» бырагырааманан футбольнай уонна спортивнай-тренажернай былаһааккалар оҥоһуллан олоххо киирбиттэр. Бу үлэлэри урбаанньыт Захар Николаев толорбут.

«Быйыл кураан сайын кэлэн ааста. От былаанын 91% толордубут, ол эбэтэр 851 туонна от оттонно. Онон кыстыкка бөҕөх соҕуспут. Арай сылгы төрүөҕэ мөлтөх соҕус — 60% эрэ ыллыбыт. Ынах сүөһүбүт ахсаана аччаабат – нэһилиэккэ 309 ынах сүөһү баар. О.Н. Бойко, С.К. Бурнашева, М.А. Ефимова бааһынай фермерскэй хаһаайыстыбалара үлэлии тураллар, кинилэри таһынан биирдиилээн хаһаайыстыбалар бааллар. ОДьКХ уонна ДЭС кыһыҥҥыга бэлэмнэр. Быйыл хочуолунайга 6 оһох үлэлии турар, биир саҥа 15 кВт кыамталаах подпиточнай (емкостан ууну систиэмэҕэ анньар) носуос олордуллубута. Олунньу ыйга тиийэр чох баар», — диэн үллэстэр нэһилиэк кыстыкка бэлэмнэнии үлэтин туһунан Руслан Николаевич.

Раиса Чирикова

Читайте дальше